بهه‌لكه‌فتا روژا ئالایێ كوردستانێ , ئه‌ڤ رونشتنه یا تایبه‌ته ب نه‌خوشیێن په‌له‌وه‌را ل پارێزگه‌ها دهوكێ و بتایبه‌تى نه‌خوشیێن هه‌ناسه‌یى . ئه‌ڤ ساله (4) حاله‌تێن نه‌خوشیا ئه‌نفلونزا بالندا دناف پروژا دا دیار ببون ژبلى نه‌خوشیێن دى یێن هه‌ناسیه‌یێ ( نیوكاسل 6 حاله‌ت , ئاى بى 27 حاله‌ت, نه‌خوشیا سى ئار دى 47 حاله‌ت) , ڤێ چه‌ندێ زیانه‌ك گه‌هاندیه سامانى په‌له‌ورا ل پارێزگه‌هێ و دیسان و بهه‌لكه‌فتا پشكدارى كرنا ژماره‌كا فه‌رمانبه‌رێن مه ( بزیشكێن ڤێتێرنه‌رى) د خولێن تایبه‌ت ب نه‌خوشیێن په‌له‌وه‌را , ئه‌ڤ رونشتنه هاتیه به‌رهه‌ڤكرن.
ئارمانج ژ ڤێ رونشتنێ :.
1. خرڤه‌بونا لایه‌نێن په‌یوه‌ندى دار ب بابه‌تى خودانكرن و پارستنا ساخله‌میا په‌له‌وه‌را ل پارێزگه‌ها دهوكى , ژ بو لێك تێگه‌هشتن و دان و ستاندن كرن ل سه‌ر بابه‌تى و دیتنا هنده‌ك میكانزما بو پتر پێكڤه كاركرن.
2. دیتنا هنده‌ك رێكێن گونجاى بو بابه‌تى پاراستنا ساخله‌میا په‌له‌وه‌را و زال بون ل سه‌ر نه‌خوشیا. و بلند كرنا وان پێشنیارا بو هه‌مى لایه‌نێن په‌یوه‌ندى دار ژ بو مفا ژێ وه‌رگرتن.
لایه‌نێن به‌شدار دڤێ رونشتنێ دا :
( فاكولتیا پزیشكى ڤێتێرنه‌رى , فاكولتیا چاندن و دارستان , رێڤه‌به‌ریا گشتى یا چاندنێ , سه‌ندیكا پزیشكێن ڤێتێرنه‌رى , سه‌ندیكا ئه‌ندازیارێن چاندنێ , كومه‌لا گاره یا خودانكه‌رێـت په‌له‌وه‌را , كومپانیا دهوك یا چاندنێ یا سنوردار, ژماره‌كا سه‌رپه‌رشتێن پروژێن په‌له‌وه‌را, رێڤه‌به‌ریا ڤێتێرنه‌رى وه‌ك رێكخه‌را ڤێ رونشتنێ). سمینار هابونه ئاماده‌كرن ژلایێ (د.ئازاد محمد عمر, د.پێهه‌ل میسر, د.عماد مسته‌فا).
پێشنیار و تێبینى دێ هێنه رێكخستن و بلند كرن بو لایه‌نێن په‌یوه‌ندى دار.
Print
Tell friend
Top
