لدور رێكه‌فتا (سایتس CITES رێكه‌فتا جیهانى یا نه‌هێلانا بازرگانى كرن ب گیانه‌وه‌ر و رووه‌كێن مه‌ترسیا ژ نافچوى لسه‌ر هه‌ى) رێڤه‌به‌ریا ڤێتێرنه‌رى ل پارێزگه‌ها دهوك سیمیناره‌ك سازكر بۆ چه‌ندین به‌رپرسێن كه‌ره‌نتینێن ڤێتێرنه‌رى و چاندنێ یێن سنورى و نوینه‌رێ هێزا پاراستنا ژینگه‌هێ و لایه‌نێن په‌یوه‌ندیدار.ئه‌ڤ سیمیناره‌ ژ لایێ (د. سلیمان تمر سعید) به‌رپرسێ پشكا ساخله‌میا گیانه‌وه‌رى هاته‌ پێشكێشكرن,ناڤبرى ئاماژه‌ دا دیروكا رێكه‌فتا (سایتس) و گرنگیا وێ بۆ پاراستنا سامانێ گیانه‌وه‌رى و رووه‌كى.دته‌وه‌ره‌كێ دى دا باس ل ئه‌ندام بوونا كومارا عیراقا فیدرال دناف ئه‌ڤێ رێكه‌فتا جیهانى كو نزیكه‌ دێ بیته‌ ئه‌ندام , و رولێ هه‌رێما كوردستانێ د ئه‌ڤى بوارى دا نه‌خاسمه‌ كوردستان خودان سامانه‌كێ مه‌زنه‌ و پاراستنا ئه‌ڤى سامانى ئه‌ركه‌كێ نیشتمانى یه‌.دیسان ئاماژه‌ دا ب كارێن بازرگانى یێن نه‌ یاسایى و چه‌وانیا نه‌هێلانا ئه‌ڤان جوره‌ كارا لپه‌ى بنه‌مایێن رێكه‌فتا (سایتس).هه‌ژى گوتنێ یه‌ كو ناڤبرى (د.سلیمان تمر سعید) هه‌ر ژ ده‌سپێكا سالا (2008) ێ هه‌وڵدایه‌ ژ پێخه‌مه‌ت ئه‌ندام بوونا هه‌رێما كوردستانێ وه‌ك هه‌رێمه‌كا سه‌ربه‌خو د ناف ئه‌ڤێ رێكه‌فتێ دا به‌لێ جهێ داخێ یه‌ سه‌رنه‌گرت.